Дунёда деярли ҳар куни турли аукционлар бўлиб ўтади. Унда турли буюмлар кимошди савдосига қўйилади. Аммо биз сизга сўзламоқчи бўлган аукционда тарих ва келажак уйғунлигини ўзида мужассамлаштирган автомобиллар савдоси бўлиб ўтди. Яхшиси, томоша қилинг!

“HeliCat” вертолёти кабинкасига эга қайиқ. 2013 йилда чиқарилган. Нархи 17 600 АҚШ доллари. Аукционга қўйилган арзон қайиқлардан бири.

У икки моторга ҳамда 60 от кучига эга. Сувда соатига 72 км. тезликда ҳаракат қила олади. Учиш имкониятига эга.

“Volkswagen 181” машинаси. 1974 йилда чиқарилган. Нархи 18 700 АҚШ доллари. Машинани кўрган заҳоти, “Операция ы” фильмидаги қуйдаги иборалар ёдга тушади: “Бу ногирон қаерда қолди?”. “Бақирма, менман ўша ногирон”.

Бу “ногирон” машина ўзининг замонавий кўриниши билан ҳар қандай бойвуччанинг коллекциясини безай олади.

“Farhen Xray”. 1969 йилда чиқарилган. Нархи 33 700 АҚШ доллари. Рей Фарнер фирмаси томонидан “Jaguar XK 150” машинаси асосига қурилган.

Фарнер 2005 йилда вафот этди. Аммо у яратган шедевр ҳамон ўз қийматини йўқотгани йўқ. Экземпляр 1994 йилда “бошдан-оёқ” таъмирлаб чиқилди.

“BMW Isetta”. Нархи 38 500 АҚШ доллари. У илк бор 1957 йилда АҚШ бозорларига чиқарилган.

Бу миттивойга 298 кубли мотор ўрнатилган бўлиб, у соатига 85 км. тезликда ҳаракатлана олади.

“Chevrolet” русусли мактаб автобуси. Юкхонаси 1957 йилники, қолган қисмлари эса янги.

Кўриниши жаҳлдор, овози баланд қилиб ишланган. Унинг двигатели саккиз цилиндрли.

Пейс-кар. 1954 йилда чиқарилган. Нархи 55 000 АҚШ доллари. “Dodge Royal” кабриолитининг расмий махсус версияси. 

Двигателда қилинган ўзгаришлар эвазига унинг қуввати 150-200 от кучига кучайтирилди.

“Coors” компанияси рангига муқояса қилинган дрэгестр. Нархи 55 000 АҚШ доллари. Машина кўриниши нусхаси 1990 йил NHRA миллий лигасида Дэррелл Гвинн бошқарган машинадан олинган.

Ушбу дрэгестрнинг ҳақиқийсида 1990 йилда Гвинн аварияга учраган ва ногирон бўлиб қолганди.

“Studebaker”нинг бензин ташувчи араваси. Нархи 55 000 АҚШ доллари.

Унда ёзилишича, бу арава ресторанлар учун жуда мос. Арава ҳайдовчиси манекендан ясалган.

“Cord Westchester”. 1937 йил. Нархи 82 500 АҚШ доллари. Бу шедеврни машиналар ювиладиган жойдан топишган ва шунақа кўринишга келтиришган.

Машинанинг олд ва орқа қисмлари “Ягуар”дан, двигатель V8 эса “GM”дан олинган. Бошқариш рули телескопик тизимда. Ўриндиқлар ва ойна артгичлар электрлаштирилган.

“Ford”дан 1937 йилда чиққан пикап. Нархи 82 500 АҚШ доллари. “OZE Rod Shop”да ишланган.

Унга “General Motors”дан саккиз цилиндрли двигатель, “тўртталик автомат” ўрнатилган.

“Ford Woody Wagon” 1938 йил. Нархи 84 700 АҚШ доллари. “Woodie” услубидаги юкхонага эга оргинал “Форд”.

85 кучига тенг V8 ли двигатель. Учтиргакли узатиш каробкасига эга. Бутун ғилдирак бўйлаб ушловчи тормоз воситаси.

“Crosley”дан ёш болалар ўйинчоғини эслатувчи пикап. 1951 йилги. Нархи 115 500 АҚШ доллари. Кичик ёшли америкаликлар учун мўлжалланган. Қўлланмада кўрсатилишича 30 ёшгача бўлганлар унга чиқмайди.

Унга прицеп қўшилган бўлиб, “Jeep”дан тўрт цилиндирга эга двигатель ўрнатилган. Бундан ташқари унда тўрт устунлик автоматлаштирилган узатиш каробкаси бор.

“Ford F-100”дан 1956 йилда чиққан пикап. Нархи 161 700 АҚШ доллари. Аукциондаги энг қиммат машиналаридан бири. 2014 йилда ясалган. Деярли юрмаган.

Саккиз цилиндрли двигатель эвазига у 600 от кучига эга қувватга эга бўлади. Унга олти тиргакли “автомат” узатгич каробкаси, 22 дюмли диск ҳамда сабвуфер ўрнатилган.

“Ford Model T” цирк машинаси. 1915 йилги. Нархи 187 000 АҚШ доллари. Уни безаб турувчи айрим қисмларга олтин суви юргизилган. У америкаликлар ичида машҳур цирк — “Барнум цирки” шарафига ишланган.

“Форд”дан хот-род. 1932 йилги. Нархи 269 500 АҚШ доллари.

Саккиз цилиндрли мотордан ташқари унга кам учрайдиган қисмлар ўрнатилган.

“Олдсмобиль”. 1922 йилги. У 1962 ҳамда 1971 йилда намойиш этилган “The Beverly Hillbillies” номли Америка сериалида ишлатилинган.

Сериал бош қаҳрамони ўз еридан нефть конини топиб олади ва шундан сўнг Беверли-Хиллзга боради.

Қайта ишланган “Chevrolet Nomad”. 1956 йилги. Нархи 270 000 АҚШ доллари. Сотувчининг айтишича, уни қайта ишлаш учун, машинага уч юз минг долларга яқин маблағи кетган. Шу боис у сотилаётган нархидан анча қиммат туради.

5-7 литрли V8 двигатели. 405 от кучига эга. Унга спорт тизимили махсус қисмлар ўрнатилган.

“Ford Boyd Coddington Pickup”. 1940 йилги. Нархи 374 000 АҚШ доллари. Аукциондаги энг қиммат пикап.

560 қувватли двигатель 321 км. юриб, синовдан ўтди. 

“Моторама” кўргазмасида қўйилган “Pontiac Bonneville Special”. 1954 йилги. Нархи 3 млн 80 минг АҚШ доллари. Аукционга қўйилган иккита энг қиммат машиналардан бири.

Саккиз цилиндрли, 230 қувватга эга мотор. Эшиги ёки ойнаси чайканинг қанотларига ўхшайди. Юкхона қисми 50-йиллардаги фазо кемасини эслатади.

“General Motors Futureliner”дан байрам автобуси. 1950 йилги. 4 млн. АҚШ долларига сотилган.

Агар сиз “дизель-панк” услуби ҳақида эшитмаган бўлсангиз, унда яхшиси суратга қаранг.